2010年3月15日,九龍城5人足球場。

放工返到屋企冇耐,收到夢幻隊一位隊友來電叫我去踢波。

到達球場先知道係5人場,而且仲係有牆果隻......。

初頭好唔慣,因為解圍之後個波撞完牆之後又再被對方反攻!

賽果和,我攻入4球。

2010年3月14日,東涌仿真草地足球場。

今場波邀請3位夢幻隊朋友幫手!

賽果6:5嬴,我攻入2球。

2010年3月12日,興華街硬地足球場。

雖然比賽已經近尾聲,不過我地球隊一有機會就練波。

今場波對手很平均,我方比以前明顯合拍,係一場好好既球賽!

2010年3月7日,東涌仿真草地足球場。

今場波天氣非常差,氣溫急降仲要落雨......。

本身我地準備充足,踢七人有一個人換,點知對方有兩個人臨時唔到......結果變左地樁。

始終我方平均年齡大好多需要有後備球員,所以最後要六打六!

賽果2:6輸。

2010年3月3日,太古城人造草地足球場。

闊別聯賽已經一陣子,本身自己仲想繼續休息,不過知道聯賽只淨兩場而且今場波隊友唔多,所以決定出賽!

我到球場時賽果還是0:0,之後我方連入兩球,跟住我方一次大意被追成2:1!

我被換入場,之後因為一個罸球被追平2:2直至完上半場。

下半場我繼續踢防守中場,對方追平2:2本身氣勢如虹,但唔知點解竟然越縮越後.....賽後我地討論大家都覺得對方唔係想和波,相反好似會嬴硬我地咁。

因為對方縮後,我終於有機會攻波!一球我響大禁區隊友傳波比我時,一轉身就見到對方後衛衝來解圍,我睇準時機連人帶波一閃而過,不過對方隻腳碰到個波小小!我即時用腳撈回個波,再射右上角應聲而入,我當然相當興奮!

之後我主動換出場(因為休息太耐不能踢太耐),臨完場前我方得到一個十二碼,4:2對方再無反擊之力!

賽果4:2嬴,我攻入一球。

2010年2月28日,東涌仿真草地足球場。

經過近幾場波都輸再檢討過之後,我地改變戰略!

結果係即時見效,可惜到最後都係還原個人風格......。

賽果6:5嬴,我攻入一球。

2010年2月21日,東涌仿真草地足球場。

今年初八先有得踢「賀歲波」。

「地樁」當然輸波......最慘係入極都入唔到波!

不過最緊要係有波踢!

賽果輸。

2010年1月17日,修頓石地足球場。

韌帶傷患困擾一直持續,今場波賽後發覺要認真去休息一下!

賽果2:3負。

2010年1月10日,東涌仿真草地足球場。

今場波因為對手有4個人臨時放飛機......所以只可以6打6。

6打6對我地平均年齡大既隊伍黎講非常吃力,而且開頭半個鐘仲要5打5......。

賽果負,我攻入兩球。

2010年1月3日,東涌仿真草地足球場。

今場波係2010年第一場波。

腳傷已經好返八至九成,所以落場試下腳!

賽果5:4嬴。