2008年11月23日,東涌仿真草足球場。

今場波自己狀態超差,輸波主要都係因為我一個人,兩球必入波射唔入,守波守唔穩......好彩今場外援表現好。

不過輸波最大原因係對方龍門超強!

賽果5:7負。

2008年11月16日,修頓石地足球場。

今場波拉閘成軍,一開始已經不存什麼期望,上午仲要比龍門放飛機,我地要輪流守龍......。

開波半個鐘已經輸左4球,當時自己體力已經下降......心諗今場唔知會輸10球定20球。

不過好彩休息5分鐘之後大家開始踢得好左,雖然最後都輸不過唔算大炒!

賽果2:6,我攻入一球。

2008年11月10日,摩頓台石地足球場。

經過禽晚東涌賽事及休息左一排,今晚體力明顯下降!

對手唔只年輕而且人多,相反我地冇正選龍門而且氣力不繼......。

賽果5:6負。

2008年11月9日,東涌仿真草場。

東涌?冇錯!又係東涌!原來對手本身幾位球員要離港返國,所以之前話唔會再Book場!

之後對方找到另一隊人拍,所以可以再繼續踢!!

今晚天氣明顯轉涼,一到東涌明顯覺得凍......。

賽果3:9負,我攻入兩球。