2009年3月28日,摩士小型草地足球場。

早兩日見到夢幻隊一封E-Mail發現今日有一場賽事而且唔夠人,我就報名幫手!

16:20到達球場,本來16:30開波但係因為未齊人所以等齊人先開波......。

開波上半場因為泥地既關係我有一球解圍後就扭場需即時離場。

之後我間斷有落場,但係已經走唔到......。

賽果負,我攻入一球。

2009年3月15日,東涌石地足球場。

今晚應該20:00響仿真草場開波,點知差唔多到球場時收到消息話睇錯場紙時間......。

結果我地只好去石地場跟隊,已經好多年冇跟過隊明顯年紀問題力不從心......。

以我地既平均年齡踢嬴兩隊(總共5隊跟隊)再踢到熄燈可為超額完成!

2009年3月8日,東涌仿真草足球場。

今場波我地只得6個人,不過好彩對上一場有人肯幫我地踢。

星期六﹑日童軍活動令我體力下降﹑狀態低沈.....。

20:00對手未到......我地同上一場既球隊對賽,結果1:1打和!

之後對手黎齊人我地就正式開波,踢到21:30下場竟然冇人黎,我地就繼續踢落去,踢到22:15先完場!

賽果3:5負,我攻入一球。

2009年3月3日,犘頓台石地足球場。

一開波我地只得7個人對手就十幾人......又要苦戰!

踢左大約半個鐘頭終於黎左兩個自己球員。

賽果7:2嬴,我攻入1球。

2009年3月1日,東涌仿真草足球場。

今場波對方又唔夠人......我只好幫佢地。

賽果8:5嬴,我攻入兩球。