2009年6月25日,修頓石地足球場。

今場波真係開心,因為好多久休既隊友復出!

天氣依然非常熱,所以踢完都好辛苦。

賽果8:5嬴。

2009年6月23日,加路連山電訊硬地足球場。

今場波依然係同姨丈對波踢!

天氣唔穩定,落左幾次雨......。

水戰唔係咁多人識踢,所以好多球員都發揮唔到水準表現。

賽果負。

2009年6月19日,長沙灣硬地足球場。

今場波係同姨丈班波踢,佢地分一節一節踢,一節踢完下一節就換晒成隊人,所以成隊波差唔多有廿幾人。

賽果5:5和。

2009年6月7日,摩頓台石地足球場。

前兩場波因「天雨」而取消大家都幾唔願意,不過今場波我就真係寧願一早取消......。

一開波冇耐已經知道對方踢法比較「硬朗」,踢左大半個鐘之後,響一次中場爭波既情況下隊友突然跌倒,開頭我以為佢撞到或者扭親之類,點之見佢好耐都未起返身就走近睇下,點知原來佢膝蓋骨向下移左位......情景十分恐怖!

我地有隊友合力將佢抬到長椅訓低有隊友就即時call白車!響救護車未到之前我地盡量同佢講笑令佢唔好咁緊張,對手竟然仲響度自己友同自己友鬥波......踢小一陣會死嗎?

救護車到達後傷者即時非常緊張,我地合力幫佢上救護車後就由其中一位隊友跟佢去醫院。

我地亦再開波,不過心情已經相當差。

賽果2:5負。

踢完波之後我再跟進一下隊友傷勢,原來佢唔只膝蓋骨移位,連腳根都斷埋......。踢波係一種相當健康既運動,點解會搞成咁?雖然同受傷既隊友唔算熟,不過我真係唔希望佢就此掛靴,但係亦更加唔想佢再落場令傷患惡化!

2009年5月31日,東涌仿真草足球場。

已經有一段時間冇同舅父﹑姐夫踢波,點之今次竟然係地樁......。

以年齡﹑體力﹑陣容﹑人數已經輸左大半,不過我地依然貫徹一向作風「無論嬴輸都要踢得好波」,所以我地咁遠去東涌踢都維持到。

成場波我有4球撞柱......真係黑到爆!

賽果負。