2009年8月30日,修頓石地足球場。

今日因為屋企食飯,所以我同阿哥遲左到球場。

因為未消化所以落場非常辛苦!

今場波我犯左兩個大錯誤......一球角球因為以為出界而被對方直入,第二個錯誤係解圍時擺烏龍......。

連犯兩個錯誤令球隊輸波真係唔好意思,不過好彩唔係比賽!

每次犯錯後都應該好好檢討,下次唔可以再犯同一個錯。

賽果3:5負。

2009年8月26日,太古城仿真草場。

聯賽第二場終於開到波!

因為我最後到場所以要當後備。

上半場我地慘輸1:3,下半場我終於可以上場!

開波冇耐我攻入聯賽首個入球,之後我地多次攻門都差少少......有一球角球我頂遠柱差半個波位入,有兩球我方單刀又差少少入......。

賽果2:3負,我攻入一球。

2009年8月16日,摩頓台石地足球場。

今場賽事我地各球員都不在狀態,幾次埋門機會都錯失......。

對方有位球員比較「野火」,響一次界外球我方執波既時候竟然同我亞哥有碰撞(連波都未執返......),雙方有所動作我即刻上前(預備幫手開拖)!雖然最後都冇事發生,不過我同我阿哥都搞到幾冇癮。

賽果1:7負。

2009年8月13日,加路連山PCCW石地足球場。

今場係練習賽。

兩個星期既比賽都因為天氣問題而取消......有今場練習賽可以練習真係好!

雖然整體仲未夾,不過大家都好盡力去踢。

可能抖得太耐,到左最後小腿竟然抽筋......我好想繼續踢落去架!可惜要退場......。

踢波真係好講運氣,雙方都互有攻守,對方攻勢不強但係就入到有運波,我地兩球單刀都比龍門救出......。 

賽果3:4負。