2009年9月27日,東涌仿真草地足球場。

4日踢第3場波,身體非常疲倦......。

賽果6:6和,我攻入一球。

2009年9月26日,摩頓台石地足球場。

今次對手係後生仔(十零廿歲果隻),不過咁既年齡算係弱!

好耐冇對過輸打嬴要得咁梗要既對手!你用身位撞佢佢就大大聲,你比佢又撞又踢就好應該......真係不知所謂!

最後對方成隊上晒身,響一次我同對方「碰撞」之後就腰斬賽事!

2009年9月24日,跑馬地仿真草場。

今場比賽對手實力非常之強,雖然我地盡晒力但係都慘敗而回。

不過我地大家只要踢到好波,嬴輸都冇所謂!

賽果0:7輸。

2009年9月20日,摩頓台石地足球場。

今場波我地人強馬壯,比起上場真係兩回事!
今場狀態唔錯,可惜多次射門都比門將救到!

賽果6:3嬴。

2009年9月16日,修頓石地足球場。

星期日﹑星期一兩場賽事取消,今日中午又落大雨......踢波既心情失去無蹤!

今場波我地人腳少唔在講,仲要有幾個球員久未上陣......。

賽果1:6輸。

2009年9 月10日,九龍灣仿真草足球場。

今場比賽對手係以往最強既一隊,我地希望盡量迫和。

一開波我踢中場以防守為主,上半場0:0和。

下半場開波我繼續踢中場,踢到大約10分鐘左右被換離場。

之後因為後衛同龍門犯左兩個錯誤而被攻入兩球!

其實對手唔係咁強我地都有唔少攻勢,雖然輸波但係大家都踢得好好!

賽果0:2輸。

2009年9月4日,九龍灣仿真草足球場。

聯賽第三場,今場波我上半打中場,下半場踢後衛。

上半場我地攻勢多,一開波冇耐就攻入一球。之後被對方追返......。

下半場我地比較被動,不過對方久攻不入!

臨完場我地幾球反擊差少少得手!

賽果1:1和。

比賽踢後衛好唔適應,因為隊波打法同魔聯﹑夢幻唔同!