今場賽事對方人數比較少,我方人數佔優。

第一次休息,第二節打前鋒,第三節打中場。

賽果4:2嬴,我攻入1球。

姨丈今日問我跟唔跟他一齊踢公司聯賽,我一口答應!雖然本身已經對比賽冇任何期望,不過以現在過左高峰期之後都想睇下自己仲可以踢到咩程度。

今場波真係開心,因為好多久休既隊友復出!

天氣依然非常熱,所以踢完都好辛苦。

賽果8:5嬴。

今場波依然係同姨丈對波踢!

天氣唔穩定,落左幾次雨......。

水戰唔係咁多人識踢,所以好多球員都發揮唔到水準表現。

賽果負。

今場波係同姨丈班波踢,佢地分一節一節踢,一節踢完下一節就換晒成隊人,所以成隊波差唔多有廿幾人。

賽果5:5和。

前兩場波因「天雨」而取消大家都幾唔願意,不過今場波我就真係寧願一早取消......。

一開波冇耐已經知道對方踢法比較「硬朗」,踢左大半個鐘之後,響一次中場爭波既情況下隊友突然跌倒,開頭我以為佢撞到或者扭親之類,點之見佢好耐都未起返身就走近睇下,點知原來佢膝蓋骨向下移左位......情景十分恐怖!

我地有隊友合力將佢抬到長椅訓低有隊友就即時call白車!響救護車未到之前我地盡量同佢講笑令佢唔好咁緊張,對手竟然仲響度自己友同自己友鬥波......踢小一陣會死嗎?

救護車到達後傷者即時非常緊張,我地合力幫佢上救護車後就由其中一位隊友跟佢去醫院。

我地亦再開波,不過心情已經相當差。

賽果2:5負。

踢完波之後我再跟進一下隊友傷勢,原來佢唔只膝蓋骨移位,連腳根都斷埋......。踢波係一種相當健康既運動,點解會搞成咁?雖然同受傷既隊友唔算熟,不過我真係唔希望佢就此掛靴,但係亦更加唔想佢再落場令傷患惡化!

已經有一段時間冇同舅父﹑姐夫踢波,點之今次竟然係地樁......。

以年齡﹑體力﹑陣容﹑人數已經輸左大半,不過我地依然貫徹一向作風「無論嬴輸都要踢得好波」,所以我地咁遠去東涌踢都維持到。

成場波我有4球撞柱......真係黑到爆!

賽果負。

好耐冇同舅父﹑姐夫一齊睇波,對上應該係2006世界盃決賽,今場世紀大戰真係好時機,因為第二日係公眾假期,所以我同舅父就上組夫屋企睇波! 

今場波我地都係捧巴塞,初頭10分鐘真係有D驚巴塞比曼聯控制節奏,令巴塞發揮唔到「地上最強」威力,不過當10分鐘比伊度奧打開紀錄後曼聯就兵敗如山倒......無反擊之力不突止仲要換錯人......世紀大戰變到巴塞solo賽,其實巴塞唔止炒兩蛋,只係有D波冇運,不過咁都已經夠嬴!

曼聯上年捧盃真係多得泰利,不過兩場決賽曼聯一球都入唔到......曼聯係時候要買前鋒喇!

今次因為開波時間係18:30唔係咁多人踢到咁早,所以姨丈問我得唔得!

已經好耐冇黎將軍澳依個場,記得大約10年前差唔多個個星期黎踢波......10年真係好快過!

今場波係個個球員都享受足球,非常好踢!

賽果3:3和。

今晚場波我地冇龍門......對手速度快,不過我地都應付到。

整場波本身踢得幾和諧,只係對方有一個「野火」球員比較麻煩。

賽果6:3嬴。

19:20本身出街食飯,點知接到姨丈電話問我得唔得閑踢波!

原來佢地唔夠人......我就應承左!

雙方實力相約,嬴輸除左技術仲要運氣!

賽果輸1球。

已經有個多月冇踢魔聯,今場竟然多左幾個後生仔,真係好!

腳傷之後未完全康復,有兩次射門機會都力不從心......。

賽果6:1嬴。

腳傷之後雖然休息左一段時間,本身未諗過咁快落場......但因為「阿叔」林尚義既離逝,令我有落場既衝動!

雖然落左場但係都係唔敢太「博」,對手明顯合拍過我地既雜牌軍,輸波係非常合理!

賽果負。

腳傷後兩星期,雖然未痊癒但係想試下落場,剛好夢幻隊有賽事又唔係咁夠人,所以我就出場!

今次夢幻隊有幾個我未見過既球員,踢起上黎比上次好好多。

賽果3:2嬴。

早兩日見到夢幻隊一封E-Mail發現今日有一場賽事而且唔夠人,我就報名幫手!

16:20到達球場,本來16:30開波但係因為未齊人所以等齊人先開波......。

開波上半場因為泥地既關係我有一球解圍後就扭場需即時離場。

之後我間斷有落場,但係已經走唔到......。

賽果負,我攻入一球。

今晚應該20:00響仿真草場開波,點知差唔多到球場時收到消息話睇錯場紙時間......。

結果我地只好去石地場跟隊,已經好多年冇跟過隊明顯年紀問題力不從心......。

以我地既平均年齡踢嬴兩隊(總共5隊跟隊)再踢到熄燈可為超額完成!